Շնորհավոր Ամանոր և Սուրբ Ծնունդ

                                                             










Տարեմուտը այս թող նոր սկիզբ դառնա
Նոր վերելքների ու նոր բերկրության,
Եվ վերափոխվեն իղձերը վառման
Իրական կյանքում տաքուկ խնդության:

Ամեն զանգի հետ կրկին մանկանանք
Ետևում թողնենք բեռը հոգնության,
Ամեն մի լույսի հետ պայծառանանք
Ու պատրաստ լինենք նո'ր երջանկության:

Թող գալիք տարում հոգիները մեր
Անզուսպ բերկրանքի դառնան օվկիանոս,
Եվ հաջողության ծովում բարեբեր
Աստծո օրհնանքը լինի մեզ փարոս: