1988-ի փետրվարի 20-ին ԼՂԻՄ Ժողովրդական պատգամավորների խորհրդի արտահերթ նստաշրջանը որոշում կայացրեց՝ դիմելով Ադրբեջանի Գերագույն խորհրդին, նրա կազմից դուրս գալու մասին, և Հայաստանի Գերագույն խորհրդին՝ իր կազմում ընդգրկելու վերաբերյալ, իսկ ԽՍՀՄ-ին՝ այդ խնդրանքը բավարարելու կոչով, և հիմնված էր ԽՍՀՄ նման տիպի վիճահարույց հարցերի լուծման համար նախատեսված բոլոր իրավական նորմերի ու նախադեպերի վրա: Այս օրվա կապակցությամբ, ՀՀԿ Լոռու մարզի երիտասարդական կազմակերպության անդամները հարգանքի տուրք մատուցեցին Լեռնային Ղարաբաղի ազատագրական պայքարին մասնակից հերոսների գերեզմանին։ Հայրենասիրությունն ու հայրենիքի համար հերոսաբար պայքարելն, այն մնայուն արժեքներն են, որոնք փոխանցվում են սերնդեսերունդ, և հիմնասյուներն են լուսավոր և ծաղկուն ապագա ունեցող պետության:

Փետրվարի 19-ը՝ հայ մեծ բանաստեղծ Հովհաննես Թումանյանի ծննդյան օրը, արդեն մի քանի տարի Հայաստանում նշվում է որպես Գիրք նվիրելու օր։ Այդ իսկ պատճառով էլ, Լոռվա Մարզում օրը առանձնահատուկ նշանակություն ունի: ՀՀԿ Լոռու մարզի երիտասարդական կազմակերպության անդամները, օրվա կապակցությամբ Արցախ պուրակում` կազմակերպել էին գիրք նվիրելու և փոխանակելու ակցիա: Անցորդները նվեր ստացան առկա ցանկից իրենց նախընտրելի գրքերը: Եվ իսկապես հպարտանալու առիթ ունենք, քանի որ մեծ թվով երիտասարդներ մասնակցեցին գիրք նվիրելու և փոխանակելու ակցիային, ձեռք բերելով իրենց գրական նախասիրություններին և ճանաչողական հետաքրքրություններին համապատասխան գրական երկեր: Նրանք միաժամանակ երախտագիտության զգացումով կարևորեցին ավագ սերնդի ներկայացուցիչների խորհրդատվությունները, որոնք կօգնեն նրանց ավելի ազատ ու անկաշկանդ կոմնորոշվելու ժամանակակից բազմաժանր գրականության ուսանելի և հարուստ աշխարհում: Միջոցառումը մեկ անգամ ևս օգնեց ընթերցասեր հանրությանը նորովի վերաիմաստավորելու Թումանյանի գրական ժառանգությունը,ավելի խորությամբ գիտակցելու Թումանյանական հանճարեղ դարձվածքների արդիականությունն ու դրանց անանց ու հավերժական բնույթը:

Այսօր ՀՀԿ Լոռու մարզի Եկ-ականները, երիտասրադների ամենասիրելի տոնին՝ Սուրբ Սարգսին ընդառաջ, պատրաստել էին հետաքրքրաշարժ անակնկալներ: Քանի որ, Սբ. Սարգսի տոնին նախորդող գիշերը երիտասարդ աղջիկները աղի բլիթ են ուտում և ակնկալում երազում տեսնել իրենց ապագա փեսացուին, ՀՀԿ երիտասարդները բաժանեցին աղաբլիթներ, որոնցից յուրաքանչյուրի մեջ դրված էր մի տառ, իսկ աղջիկները պատահականության սկզբունքով ընտրում էին բլիթներից մեկը:: Սուրբ Սարգսի տոնը ոչ միայն սիրո և երիտասարդության, այլ նաև ազգային աժեքների ու ավանդույթների վերականգնման մեծ խորհուրդ ունի: Թող Սուրբ Սարգիսն ապավեն ու պահապան լինի բոլոր սիրող սրտերին, թող սիրո մաքրագործող ուժն առավել բարի ու կամեցող դարձնի բոլորիս: Շնորհավոր սիրո և երիտասարդների արագահաս բարեխոս Սուրբ Սարգսի տոնը:

Դեկտեմբերի 29-ին ՀՀԿ Լոռու մարզի Երիտասարդական կազմակերպությունը հանդես եկավ նախատոնական մի նախաձեռնությամբ, որի շրջանակում 50 սոցիալապես անապահով ընտանիքների երեխաներ՝ քաղաքի սրճարաններից մեկում տոնեցին ամանորը: Նրանց այցելեց Ձմեռ պապիկն ու Ձյունանուշը, որոնք երեխաներին պարգեվեցին մանկության ամենագեղեցիկ հեքիաթներից մեկը: Մանուկների ուրախությունն անսահման էր, որոնք մեծ խանդավառությամբ զվարճանում և ընկերանում էին միմյանց հետ: Երիտասարդները ի սրտե մաղթում են, որ գալիք նոր տարուն, մանուկների այդ խինդն ու ծիծաղը ուղեկցի նրանց ողջ տարվա ընթացքում, և մանկության հեքիաթը վայելելուց զատ, ուրիշ ոչինչ չտեսնեն: Եվ իհարկե սա անականկալ էր ոչ միայն փոքրիկների, այլև բոլորիս համար, քանի որ լավագույն նվերը երեխայի ժպիտն ու նրան ժպիտ պարգեվելն է:

Լոռու ՀՀԿ-ական երիտասարդներինախաձեռնությամբ կազմակերպված ճամբարային ծրագիրն ավարտվեց

Լոռու ՀՀԿ-ական երիտասարդների նախաձեռնությամբ մոտ մեկ շաբաթ էր, ինչ ընթանում էր Վանաձորի Տարոն թաղամասում կազմակերպված և արդեն երկրորդ տարին անընդմեջ իրականացվող ճամբարային ծրագիրը: Ճամբարի մասնակիցների թիվն այս տարի գերազանցում էր 200-ը: Մասնակիցների թվում 6-14 տարեկան երեխաներ էին: Ամառային հանգիստն առավել հետաքրքիր և արդյունավետ դարձնող ծրագրի ընթացքում մասնակից երեխաները ձեռք բերեցին նոր գիտելիքներ ու հմտություններ, մասնակցեցին տարատեսակ խաղերի և մրցույթների, կազմակերպեցին միջոցառումներ՝ երգերի ու պարերի տեսքով, սովորեցին մի շարք հայրենասիրական երգեր և ազգային պարեր, ոգեշնչվեցին հայրենասիրական գաղափարներով և իհարկե ձեռք բերեցին նոր ընկերներ: Ինչպես նշեց ՀՀԿ Լոռու մարզի երիտասարդական կազմակերպության ղեկավար Արման Սարգսյանը, նման ծրագրերի համար հատուկ են ընտրվում ծայրամասային հատվածները, որպեսզի այդ շրջաններում բնակվող երեխաների համար ևս ակտիվանալու, դրսևորվելու և արդյունավետ հանգիստ անցկացնելու հնարավորություններ ստեղծվեն: Նա հույս հայտնեց, որ նմանատիպ ծրագրերը կունենան շարունակական բնույթ և տարեցտարի կընդլայնեն մասնակիցների շրջանակը:

Վանաձորում ՛՛Մաքուր Հայաստան՛՛ գործողությունների շաբաթօրյակը սկսվել էր նախորդ օրը, սակայն մայիսի 27-ին քաղաքի Հայքի հրապարակում յուրօրինակ տեխնիկական ստուգատես անցկացվեց։ Բեռնատար մեքենաները և այլ տեխնիկան, ինչպես նաև մարդկային ներուժը բաշխվեց ըստ տարածքների: Հիշեցնենք, որ դեռևս 2017 թվականի փետրվարի 16-ին ՀՀ վարչապետ Կարեն Կարապետյանը կառավարության հերթական նիստում հայտարարել էր «Մաքուր Հայաստան» ծրագրի մեկնարկի վերաբերյալ։ Այս ամենին անմասն չէր կարող մնալ նաև ՀՀԿ Լոռու մարզի ԵԿն , քանի որ կառույցի յուրաքանչյուր անդամ սիրում է իր քաղաքը և ցուցաբերում հոգատար վերաբերմունք` հույս ունենալով, որ դա կդառնա դրական ազդակ հետագա սերունդների համար, ովքեր պատասխանատվություն կզգան իրենց քաղաքի և իրենց համաքաղաքացիների նկատմամբ։

Վանաձոր համայնքի ղեկավարի և ավագանու նախաձեռնությամբ 2017 թվականի ապրիլի 22-ին Վանաձորում անցկացվեց համաքաղաքային շաբաթօրյակ: Մի շարք կառույցների աշխատակիցներ, ուսանողներ և պարզապես համաքաղաքացիներ միացել էին նախաձեռնությանը և մեծ ոգևորությամբ մասնակցում էին տարվող աշխատանքներին։ Այս ամենին անմասն չմնաց նաև ՀՀԿ Լոռու մարզի Երիտասարդական կազմակերպությունը։ Երիտասարդներին բաժին հասած տարածքը` 4րդ դպրոցի դիմաց գտնվող այգին, նրանց շնորհիվ այլևս մաքրված է։ Մեծ ոգևորվածությունը, աշխատասիրությունն ու ամենակարևորը` սերը հարազատ քաղաքի հանդեպ տվեցին իրենց արդյունքը։